По повод Европскиот ден на правдата, 25 Октомври 2023 година (среда), Апелациониот суд во Битола ќе има отворен ден за граѓаните на Република Северна Македонија. Целта за неговото одбележување е во сите европски држави правдата да се доближи до граѓаните и тие да бидат запознаени со нејзиното спроведување.

Апелациониот суд Битола го поддржува одбележувањето на овој ден и ги поканува сите заинтересирани граѓани да дојдат и одблиску да се запознаат со спроведувањето на правдата во оваа институција.