Në bazë të nenit 20, 21, 24 paragrafi 1, 25 dhe 26 në lidhje me nenin 35 paragrafi 2 nga Ligji për nëpunës gjyqësor (“Gazeta Zyrtare e RM”, nr. 43/14, nr. 33/15, nr. 98/15, nr. 6/16, nr. 198/18 dhe nr. 248/18), Rregulloren për formën dhe përmbajtjen e shpalljes publike (“Gazeta Zyrtare e RM”, nr. 236/18 nga data 24.12.2018) dhe Rregulloren për Organizimin e Brendshëm dhe Sistematizimin e Vendeve të Punës në Gjykatën e Apelit Gostivar dhe pëlqimin e Ministrisë së Financave nr.18-10220/2 nga data 03.12.2021 dhe nr.18-199/2 nga data 09.02.2022, Gjykata e Apelit Gostivar shpall:

S H P A L L J E    P U B L I K E

Numër 1/2022

Për punësim me kohë të pacaktuar në

vendin e punës të përshkruar më poshtë

1. Bashkëpunëtor gjyqësor;

    Shifra e vendit të punës  SUD0101В03001, Kategoria V, niveli  V3;

    Numri i nevojshëm .............1 (një).

            Kushtet e posaçme:

   -   Më së paku 300 kredi sipas EKTS ose të ketë të kryer nivelin VII/1, të fakultetit juridik dhe provim të kaluar të jurispodencës.

   -  Të ketë më së paku 1 (një) vit përvojë pune në lëmi.

            -  Paga neto: 25.700,00 denar.

Orari i punës:

-  Ditët e punës: e hënë – e premte;

-  Orët e punës 40;

-  Orari i punës nga ora 7:30 deri ora 15:30.

Përveç dëshmive të përmbushjes së kushteve të posaçme të parapara me Rregulloren për organizim dhe sistematizim të vendeve të punës në Gjykatën e Apelit kandidatët duhet t’i plotësojnë edhe kushtet e përgjithshme për punësim në administratën gjyqësore të parapara me nenin 21 paragrafi 1 nga Ligji për nëpunës gjyqësor (Gazeta zyrtare e RM-së nr. 43/14) dhe atë:

-  të jetë shtetas i Republikës së Maqedonisë së Veriut;

-  të përdorë në mënyrë aktive gjuhën maqedonase;

-  të jetë i moshës madhore;

-  të ketë gjendje të mirë shëndetësore dhe aftësi për vendin e punës dhe

- të mos i jetë shqiptuar aktgjykim i plotfuqishëm për ndalesë të kryerjes së profesionit, veprimtarisë ose detyrës.

Kandidatët përkrah kushteve të lartpërmendura, është e nevojshme të përmbushin edhe kushtet specifike kompetente: 

- Njohje aktive e njërës nga tre gjuhët më të përdorura në Bashkimin Evropian (anglisht, frëngjisht dhe gjermanisht), 

- Njohje aktive e programeve kompjuterike për punë në zyrë dhe kompetenca të tjera specifike të vërtetuara me aktin e sistematizimit të vendeve të punës për vendin e duhur të punës në përputhje me nenin 2 nga Ligji për ndryshim dhe plotësim të ligjit për nëpunës gjyqësor (Gazeta zyrtare e RM-së nr. 198/2018).

Sipas kësaj shpallje kandidatët janë të detyruar që fletëparaqitjen ta mbushin plotësisht, në mënyrë precize dhe me të dhëna të sakta, te e cila do të bashkangjesin dëshmitë e vërtetuara me nenin 26 paragrafi 1 dhe 2 nga Ligji për nëpunës gjyqësor:

- vërtetim për shtetësi;

- vërtetim/diplomë për kryerjen e nivelit të arsimimit;

- vërtetim/ për kryerjen e provimit të jurispodencës;

- dëshmi për përvojë pune në lëmi;

- vërtetim mjekësor për gjendje të përgjithshme shëndetësore të rregullt për vendin e punës;

- vërtetim se nuk i është përcaktuar me aktgjykim të plotfuqishëm për kryerjen e profesionit, veprimtarisë ose detyrës;

- Diplomë, certifikatë ose vërtetim si dëshmi të njohjes së punës me kompjuter për punë në zyrë;  

Bashkë me fletëparaqitjen në pajtim me nenin 26 paragrafi 3 nga Ligji për Nëpunës Gjyqësor, kandidatët mund të bashkëngjesin edhe:

-   certifikatë  nga historia e punësimeve, nëse kandidati ka qenë më parë i punësuar, e dhënë nga Agjencia për punësim;                                                                                            

-    rekomandime nga punët e mëparshme, që përmbajnë të dhëna për kontakt nga personi që e rekomandon,                                                                                                                                         

 -    nëse posedon vërtetime të trajnimeve, certifikatave profesionale nga kualifikime profesionale dhe specializime, punë shkencore ose publikime;             

 -    vërtetim për praktikë vullnetare, e dhënë nga regjistri i vullnetarëve nga Ministria e punës dhe politikës sociale, ndërsa e nënshkruar nga personi udhëheqës i institucionit,                                                                                                                                                                          

-    deklarata ose dokumente të tjera në interes të vendit të punës;

Kandidatët fletëparaqitjen për punësim për nëpunës gjyqësor dhe bazën e pyetjeve dhe literaturën profesionale e kanë në qasje në web faqen zyrtare të Gjykatës së Apelit Gostivar. (www.asgostivar.mk)

Fletëparaqitjet e pambushura plotësisht, të parregullta dhe të cilat nuk janë dorëzuar në afat të duhur nuk do të shqyrtohen.

Vërejtje: Kandidati i cili do të plotësojë të dhëna të rrejshme në fletëparaqitje do të diskualifikohet nga procedura e mëtejshme.

Vërejtje: Koha dhe data e mbajtjes së seleksionimit administrativ, provimin dhe intervistën do të publikohen në faqen e internetit në Gjykatën e Apelit Gostivar. (www.asgostivar.mk)

Afati i dorëzimit të fletëparaqitjeve është 15 (pesëmbëdhjetë) ditë nga dita e publikimit të shpalljes publike në gazetat ditore.

Fletëparaqitjen për punësim me dokumentet e bashkangjitura të noterizuara apo origjinale për përmbushjen e kushteve, dërgohen me prezencë fizike përmes sektorit pranues të Gjykatë së Apelit Gostivar ose nëpërmjet postës në adresën e poshtëshënuar: 

GJYKATA E APELIT GOSTIVAR,

Me mbishkrim: PËR SHPALLJEN PUBLIKE 1/2022,

Rr. “Zhivko Brajkovski”, numër 1.

1230 Gostivar,

            Procedura e seleksionimit dhe punësimit do të zbatohet në përputhje me Rregulloren dhe formën e shpalljes publike, formën, përmbajtjen dhe mënyrën e dorëzimit të fletëparaqitjes, në zbatimin e seleksionimit administrativ, në provime, kontrollin e besueshmërisë dhe provave në intervistë, si dhe mënyrën e vlerësimit të tyre dhe numrin maksimal të pikëve nga procedura e seleksionimit në varshmëri nga kategoritë e vendeve të punës si dhe pyetje të tjera në lidhje me procedurën për punësim të nëpunësve gjyqësor i gjeni te (Gazeta zyrtare e RM-së nr. 236/18 nga data 24.12.2018)

Kërkesë për punësim të nëpunësve gjyqësor

Rezultatet nga rangimi i Univerziteteve në RMV

Pyetjet

                                                                             Gjykatës së Apelit Gostivar