В.д Претседателот на Апелациониот суд Скопје на ден 25.04.2023 година ,одржа работна средба со претседателите на основните судови  и тоа на Основен граѓански суд Скопје,  Основен кривичен суд Скопје, Основен суд Велес, Основен суд Кавадарци, Основен суд Неготино, Основен суд Гевгелија, Основен суд Куманово, Основен суд Крива Паланка и Основен суд Кратово кои припаѓаат на апелационото подрачје Скопје .

На работната средба беа разгледани повеќе прашања и  тековни проблеми, а кои се од важност за работење и функционирање на секој од судовите.

Сите претседатели присутни на работната средба се согласија дека ажурното постапување по предметите во голема мера зависи од бројот на судиите и непополнетите работни места во судската служба , а со кој како проблем се соочува секој од судовите.

Заради надминување на оваа состојба да се направат напори од Судскиот совет на Република Северна Македонија да се пополнат испразнетите судиски места, со што непосредно ќе се влијае на ефикасно и навремено правораздавање.

                                                             АПЕЛАЦИОНЕН СУД СКОПЈЕ