СООПШТЕНИЕ ЗА ЈАВНОСТ
Вести
- Почетна
- >
- Вести
СООПШТЕНИЕ ЗА ЈАВНОСТ
СООПШТЕНИЕ ЗА ЈАВНОСТ
Само еден од вкупниот број на судии на Апелациониот суд Скопје, денеска, од оправдани причини, не гласаше на изборите на кои се избираат двајца членови на Судскиот совет на Република Северна Македонија, од редот на судиите. Имено, на изборното место број 30 , своето избирачко право, пред истекот на законски предвиденото време за гласање, го искористија 27 од вкупно 28 судии на Апелациониот суд Скопје.
Самото гласање помина во мирна атмосфера, а судиите својот глас го дадоа за двајца од тројцата кандидати за нови членови на Судскиот совет.
Како што е познато, кандидат од редот на судиите на Врховниот суд на РСМ е судијата Наќе Георгиев, а на кандидатската листа се и судиите Антоанета Димовска од Граѓанскиот суд Скопје и судијата Лазар Нанев од Основниот суд во Кавадарци, како кандидати од скопското апелационо подрачје.
Инаку, право на глас имаат 236 судии кои своето гласачко право можеа да го остварат во изборната единица на Врховниот суд каде гласаат 16 судии, додека на 12 ибирачки места од скопското апелационо подрачје и во двата управни суда гласаат 220 судии.
Апелационен суд Скопје