ОДБЕЛЕЖАН ЕВРОПСКИОТ ДЕН НА ПРАВДАТА

Чествувањето на Европскиот ден на правдата Апелациониот суд Скопје го одбележа со прием на поголема група студенти од Правниот факултет „Јустинијан Први“ при Универзитетот „Свети Кирил и Методиј“ од Скопје.

Идните правници во рамки на постетата имаа можност да се запознаат со работата на Судот, односно со работата на судските писарници, судскиот архив, а присуствуваа и на актуелно судење. 

На неформалната средба што ја остварија со в.д. претседателот на Апелациониот суд Скопје, м-р Мери Дика Георгиевска, студентите се интересираа за работи кои се однесуваат на функционирањето на судот и работата на судиите.