СООПШТЕНИЕ ЗА ЈАВНОСТА

           Апелациониот суд во Штип во интерес на јавноста и медиумите информира дека во судот е оформен предмет заведен под КСЖ-бр.40/25 по повод изјавени жалби од осомничениот Р.Д. од К. и Основниот јавен обвинител од Кочани против решението на  Основен суд Кочани со кое спрема осомничениот Р.Д. од К. мерката притвор е заменета со куќен притвор  и му е определена мерка на претпазливост привремено одземање на патна или друга исправа за преминување на државната граница,

            како и предмет заведен под бр. КСЖ-41/25 по повод изјавена жалба против  решението на Основен суд Кочани со кое  на осомничениот Н.И. од К. мерката притвор е заменета со куќен притвор и му е определена мерка на претпазливост привремено одземање на патна или друга исправа за преминување на државната граница.

            Предметите се примени во Апелациониот суд Штип на ден 26.03.2025 година во 14,30 часот и по заведувањето и извршена автоматска распределба истите се доставени во Вишото јавно обивинителство Штип согласно одредбите на ЗКП, од каде по добиените предлози по однос на поднесените жалби, и  предметите се вратени во судот на ден 27.03.2025 година во 12,00 часот .

            Предлозите на Вишото јавно обвинителство по однос на поднесените жалби се уредно доставени до странките.

            По однос на поднесените жалби Kривичниот совет при Апелационен суд Штип закажа и одржа нејавни седници на ден 28.03.2025 година, по што ги донесе следните  одлуки:

          I.

            Р Е Ш Е Н И Е

Жалбите изјавени од осомничениот Р.Д. од К. преку бранителот адвокат А. С. од К. и од Основниот јавен обвинител од Кочани, против решението на Основен суд Кочани КС-36/2025 од 24.03.2025 година во ст.1 со кое мерката притвор се заменува со мерка куќен притвор, - СЕ  ОТФРЛААТ КАКО  НЕДОЗВОЛЕНИ.

Жалбите изјавени од осомничениот Р. Д. од К., преку бранителот адвокат А. С. од К. и од Основниот јавен обвинител од Кочани против решението на Основен суд Кочани КС-36/2025 од 24.03.2025 година, во ст.2 за определената мерка на претпазливост - привремено одземање на патна или друга исправа за преминување на државната граница на име на осомничениот Р. Д. од К., односно забрана за нејзино издавање ,-СЕ УВАЖУВААТ.

Решението на Основен суд Кочани КС-36/2025 од 24.03.2025 година во ст.2 од истото СЕ УКИНУВА и предметот само во тој дел се враќа на повторно одлучување.

II.

Р  Е  Ш  Е  Н  И  Е

            Жалбата изјавена од Основниот јавен обвинител од Кочани, против решението на Основниот суд во Кочани Кс-34/25 од 24.03.2025 година,- СЕ ОТФРЛА КАКО НЕДОЗВОЛЕНА.

            Донесените одлуки со образложени причини за истите ќе бидат достапни за прелистување и на веб страната на судот во текот на наредниот ден.

                                                                                                 Апелационен суд Штип