Известување до граѓаните

Ве известуваме дека Апелациониот суд од Штип се вклучува во одбележувањето на 25-ти Октомври, Европски ден на граѓанската правда.

            Овој значаен ден ќе се одбележи со организирање на :

                 ОТВОРЕН ДЕН НА СУДОВИТЕ ЗА ГРАЃАНИТЕ

Се повикуваат граѓаните да гo посетат Апелациониот суд во Штип на ден 25.10.2018 год. во периодот од 10.00 до 14.00 часот.

На сите посетители ќе им се објасни местото и улогата на судовите во системот на заштита на човековите права, пристапот до судовите, начинот на водењето на судските постапки, приемот на предметите и нивното распоредување по судиите и сл.

На присутните ќе им се даде и приказ на средствата за работа, условите во кои судовите работат, примената на информатичка технологија и сл.

Се надеваме дека на ваков начин ќе се даде придонес за зголемување на транспарентноста на судовите кон јавноста.

                                                                                                                  АПЕЛАЦИОНЕН СУД ШТИП

                                                                                                                      Претседател на судот

                                                                                  Наке Георгиев