Одбележана детската недела

со посета од страна на учениците од ООУ „Кочо Рацин“ Кратово

По повод одбележување на Детската недела која оваа година е под мотото „Правата на детето – безбеден чекор кон среќно детство “, на ден 10.10.2024 година во Основен суд Кратово се оствари посета од страна на учениците од ООУ „Кочо Рацин“ Кратово.

Учениците беа пречекани со поздравен говор од страна на Претседателот на судот, судија Мирослав Георгиевски, кој што накратко им ги објасни надлежностите на судот по што беше остварена кратка прошетка низ судските простории и судниците каде што учениците одблизу можеа да видат како се извршуваат работните обврски од страна на вработените и каде судиите ги одржуваат судските рочишта.

Светот останува на децата и наша обврска е да овозможиме нивните права секогаш да бидат остварени со цел истите да имаат безгрижно и среќно детство.