Поради актуелната состојба, како и зголемениот интерес на пошироката јавност, Основен суд Куманово, го издава следното

 

                      СООПШТЕНИЕ ЗА ЈАВНОСТА 

                                                   

 

           Врз основа на поднесени предлози за издавање на казнен налог, од страна на ОЈО Куманово, за сторени кривични дела Непостапување според здравствени прописи за време на епидемија од чл.206 ст.1 од КЗ, Основиот суд Куманово на 20.03.2020 година донесе три пресуди со кои три лица се огласени за виновни за наведеното кривично дело и осудени на парична казна од по 100 дневни глоби, во вкупна денарска противвредност од по 121.230,оо денари. 

           Наведените кривични дела обвинетите ги сториле на начин што, иако при влез во државата, потпишале писмена Изјава за самоизолација, согласно донесени мерки и заклучоци од 15-седница на  Влада на РСМ од 10.03.2020 година, истите не се придржувале, кон Изјавата и при извршени проверки од страна на овластени лица на МВР-СВР Куманово не биле затекнати во нивните домови каде што требале да ја спроведуваат самоизолацијата.  

                                                                                                                                   ОСНОВЕН СУД КУМАНОВО