Основниот кривичен суд Скопје е основан со Повелба на Президиумот на АСНОМ за     устројство на редовните судови во Македонија од 31.03.1945 година. Оваа Повелба  претставува прв Законодавен акт на првиот Законодавен орган создаден во текот на  НОБ, со кој се утврди постоењето на 25 Општински судови 3 Обласни суда и  Врховниот суд на Македонија.
 
  Во својот почеток овој суд бил сместен во барки кои се наоѓале од спротива на  градежниот факултет во Скопје и пазарчето “Буњаковец”, каде останува се до 1972  година кога се преселува во сегашните простории на булевар “Гоце Делчев” б.б.

ДОСЕГАШНИ И СЕГАШЕН ПРЕТСЕДАТЕЛ НА ОВОЈ СУД
  Во периодот од 1945 година па до сега Претседатели на овој суд биле:
       1. Стојче Поповски
       2. Томе Пулејков
       3. Перо Јовчев
       4. Александар Николовски
       5. Владимир Хаџи Христовски
       6. Атанасие Јанковски
       7. Ангел Солев
       8. Боро Тасевски
       9. Добрила Кацарска
       10. Лидија Неделкова
       11. Владимир Панчевски
      12.Иван Џолев

Сите граѓани кои сакаат да закажат посета треба да се јават на телефонскиот број 02/3105115 и да ги остават своите податоци како и податоците за лицето кое сакаат да го посетат.

Доколку ги исполнуваат условите за посета, судскиот службеник ќе ги контактира за точниот ден и времето од денот кога може да ја рализираат посетата. Затоворт ќе биде мрежно поврзан со судот и така ќе добива соодветна евиденција за тоа кој граѓани, конкретниот ден, има дозвола за посета, додека пак затворот ќе испраќа повратна евиденција за тоа колку од посетите биле реализирани.

Обврска на граѓаните ќе биде со себе да понесат лична карта или друг документ за лична идентификација.

Единствено граѓаните кои за првпат поденсуваат барање за посета ќе бидат должни да дојдат до судот и да ги приложат сите неопходно документи за да се утврди во кое својство се со притвореното лице.

Со овој систем значително ќе се намали времето кое е неопходно за издавање на овие дозволи, а граѓаните нема да имаат потреба за секоја посета да доѓаат до судот и да поднесуваат ново барање. Воедно, посети ќе може да се закажуваат секој работен ден со тоа ќе се добие оптимално искористување на времето и просторот во Затвор Скопје која на дневна база е на располагање на судот за посети.

Ова е еден од прокетите кој се реализира по иницијатива и со сопствени средства на Основниот суд Скопје 1 – Скопје, а во соработка со други инситуции.

Со почит Основен кривичен суд Скопје.

• ** Оваа посета важи за лица притворени од страна на Основниот кривицен суд Скопје **