СООПШТЕНИЕ ЗА ЈАВНОСТ
ActionsВести
- Почетна
- >
- Вести
СООПШТЕНИЕ ЗА ЈАВНОСТ
Во Основниот суд Скопје 1 – Скопје денеска беше промовиран Медиа цетнарот на судот, наменет за претставниците на медиумите кои ја следат работата на судот, а е опремен благодарение и со поддршка на Мисијата на ОБСЕ во Скопје.
Центарот е опремен со шест компјутери, библиотека со сручна литература и аудио и видео опрема за следење на судењата во Судница 1 каде се одржуваат најголем дел од главните расправи кои се од интерес на јавноста.
Медиа центарот на Основниот суд Скопје 1 – Скопје е прв ваков центар кој функционира во една правосудна институција, а е во рамки на заложбите на судот за поголема транспарентност и отвреност со медиумите и невладините организации како претставници на јавноста.
По тој повод свое обраќање имаа претседателот на судот, судија Иван Џолев и амбасадорот Клеменс Која - шеф на Мисијата на ОБСЕ во Скопје кој ја истакна заложбата на Основниот суд Скопје 1 – Скопје за унапредување на односите со јавноста како пример за останатите правосудни органи.
Воедно беше промовирана и Стратегијата за развој на транспарентноста, објавена во електронска форма на веб страницата на судот во делот Публикации – Збирки. Стратегијата е почетен докуемнт за развој и понатамошно градење на односите на судот и медиумите, а сите сугестии во врска со стратешкиот документ за подобрување на овие односи се добредојдени.
Денешната промоција е заокружување на проектот на судот со Мисијата на ОБСЕ во Скопје за јакнење на односите на судот со јавноста при што беа објавени и информативни двојазични табли и брошури наменети за запознавање на граѓаните за нивните права и обврски.
Со почит Основен суд Скопје 1 – Скопје.