Проектот е финансиран од Мисијата на ОБСЕ во Скопје која уште еднаш ги препозна заложбите на Кривичниот суд за соработка со невладиниот сектор преку која на студентите и младите правници им се овозможува полугодишен ангажман во судот.

Ова е трет ваков проект кој судот го организира со Коалицијата „Сите за правично судење“ преку кој предвидено е да бидат анонимизирани најмалку 1500 пресуди. Анонимизирачите ги поминаа сите неопходно обуки за работа, ги потпишаа сите согласности и потврди за заштита на личните податоци и добија опремена канцеларија за работа. Досега преку овои проекти, анонимизирани се над 3000 пресуди на кривичниот суд, а во иднина ги повикуваме и останатите невладини организации, здруженија на граѓани и студенти од Правните факултети кои имаат идеи за заедничка соработка, да пристапат до судот и заедно да ги усогласиме понатамошните активности кои се во правец на зајакнување на транспарентноста и отчетноста на судот.

Со почит Основен кривичен суд Скопје.