22.10.2021 година

ИЗВЕСТУВАЊЕ ДО ЈАВНОСТА И МЕДИУМИТЕ

По повод 25-ти Октомври Европскиот ден на правдата, што секоја година се одбележува во сите држави на Европа, со цел правдата да се доближи до граѓаните и тие да бидат запознаени со нејзиното спроведување, Основниот граѓански суд Скопје секоја година го одбележува овој ден со организирање на пригодни настани.

Имајќи ја предвид состојбата поврзана со вирусот Ковид-19, оваа година Европскиот ден на правдата, Основниот граѓански суд Скопје во соработка со Академијата за судии и јавни обвинители Павел Шатев Скопје, организира симулирано судење во кое ќе учествуваат кандидатите на почетна обука од 7-та генерација која ја спроведуваат практичната настава како дел од нивната обука во Академијата за судии и јавни обвинители во Основниот граѓански суд Скопје.

Симулираното судење ќе се одржи на 25.10.2021 година во судница бр.14 на трети кат во Основен граѓански суд Скопје со почеток во 12.00 часот.