СООПШТЕНИЕ ЗА ЈАВНОСТ

25.10.2024 година

По повод Европскиот ден на правдата, кој секоја година се одбележува во сите држави во Европа и кај нас, а со цел доближување на правдата до граѓаните, Основниот граѓански суд Скопје, организира посета на ученици од средното стручно училиште СЕПУГС „Васил Антевски Дрен“ Скопје.

При посетата од страна на судот беше организирано предавање за запознавање на учениците со организацијата, делокругот на работата, активностите, надлежноста на судот, воедно и беше извршена посета во просториите на судот. Учениците покажаа активно учество во самата посета, покажаа особен интерес преку поставување на прашања поврзани со работата на судот и функционирање на судството во Република Северна Македонија. Од страна на судот беше и овозможено запознавање со начинот на одржување на јавните расправи, преку нивно непосредно присуство на судење.