И З В Е С Т У В А Њ Е

Согласно Заклучоците на Владата на Република Северна Македонија донесени на седница одржана на 10.03.2020 година, во врска со спроведување на дополнителни мерки и активности за превенција од ширење на болеста COVID-19 (корона вирус), СЕ ИЗВЕСТУВААТ сите вработени и судии во Основен граѓански суд Скопје, дека е потребно:

- во однос на мерката за ослободување од работните обврски во следните 14 дена за еден од родителите на дете до 10 години, да се достави изјава за ослободување од работа, како и во рок од 10 дена да достави потврда од воспитно-образовната институција која ја посетува нивното дете, со наведување на родителот кој ќе се грижи за детето;

- во однос на мерката за времено ослободување од работа и работни активности (неодење на работно место и да останат во своите домови) за бремените жени и хронично болните лица, да се достави изјава за слободување од работа и во рок од 3 дена да се достави доказ - потврда од матичен лекар за постоење на хронична болест кај вработениот, односно бременост.

СЕ ИЗВЕСТУВААТ вработените и судиите кои не се опфатени со означените мерки дека е потребно и понатаму редовно да ги извршуваат своите работни обврски и работни задачи согласно Законот за судовите („Службен весник на РМ“ број 58/06, 35/08, 150/10, 83/18, 198/18 и „Службен весник на РСМ“ број 96/19) и Законот за судска служба Службен весник на РМ“ број 43/14, 33/15, 98/15, 6/16, 198/18 и 248/18).