Со оглед на барањата кои се поднесуваат од страна на медиумите и новинарите до Основниот граѓански суд Скопје заради добивање на одобрение за визуелно (видео) и звучно (аудио) снимање, известување и фотографирање во паричната постапка, а заради отстранување на недоразбирањата кои при тоа се јавуваат, а се со цел да продолжи успешната и добра соработка помеѓу судот и новинарите, Ве информираме дека во Судскиот деловник е предвидена постапка на поднесување и одлучување по овие барања. Имено, согласно член 105 од Судскиот деловник (Службен весник на Република Македонија број 66/2013 и 114/14) барањето мора да се поднесе во рок од 5-пет дена пред закажаното рочиште, со исклучок на постоење на оправдани причини за доцнењето. Во истиот член е предвидено што треба да содржи барањето. Согласно член 104 став 3 од Судскиот деловник, одобрение за визуелно (видео) и звучно (аудио) снимање, известување и фотографирање во паричната постапка дава Претседателот на судот, а со претходно прибавено мислење на судијата кој постапува по предметот и со писмена согласност на странките.

24.09.2020 година