Известување за средба во АС Штип со министерот за правда г-дин Бојан Маричиќ
ActionsВести
- Почетна
- >
- Вести
Известување за средба во АС Штип со министерот за правда г-дин Бојан Маричиќ
На ден 30.11.2020 година во Апелациониот суд Штип се одржа средба помеѓу министерот за правда во Владата на РСМ, г-дин Бојан Маричиќ и в.д.претседателот на Апелациониот суд Штип, судијата Зоран Мицевски, претседателот на Основниот суд Штип, судијата Ѓорѓи Андонов и претседателот на Основниот суд Свети Николе, судијата Тодор Поп-Панев.
На истата конструктивно беше разговарано на повеќе актуелни теми од правосудството, вклучително и функционирањето на судовите во време на пандемијата, можноста за далечинско судење и потребата за целосна дигитализација на процесите во правосудството, зголемувањето на довербата во судството, како и идните проекти и планирани измени и дополнувања на закони од областа на правосудството.
Претседателот на ОС Штип, судијата Ѓорѓи Андонов, го запозна министерот за правда г-дин Бојан Маричиќ со функционирањето на ОС Штип во време на пандемија и отежнати услови за работа, потенцирајќи дека судот редовно и ажурно ги извршува своите функции и работни обврски без застој, како и со сите мерки преземени со цел заштита на здравјето и животите на сите во судот од заразната болест КОВИД-19. Беше потенцирана потребата од техничко и просторно доопремување на судот со цел уште поуспешно справување со предизвиците од пандемијата заради ефикасно и економично работење, а во таа насока беше дадено поддршка за напорите на министерството за правда за воведување на процесот на далечинско судење, како и побарано заокружување на процесот на дигитализација на судството.
Од страна на министерот за правда, г-дин Бојан Маричиќ, беше истакната подготвеност за поддршка на овие процеси и беа презентирани активностите на министерството и плановите во таа насока.