Претседателот на Основниот суд во Штип, Ѓорѓи Андонов, во видео интервју дадено за МИА по повод 31-ви Март-Денот на Правосудството, зборуваше за потребата за пополнување на испразнетите судиски места, но и за судски службеници, како акутен проблем во правосудството. Наведе и дека е нужно подобрување на статусот и материјалната состојба на судиите и судската служба, а ја истакна и нужноста од заокружување на процесот на целосна дигитализација на процесите во судството како и овозможување на онлајн судења, како предуслов за зголемување на ефикасноста.

Во интервјуто претседателот Андонов зборуваше и за напорите на правосудството за подобрување на транспарентноста и довербата на јавноста, како и за улогата на Судско-Медиумскиот Совет при ЗСРСМ како уникатен пример во европски рамки. Беа истакнати и напорите на ОС Штип за подобрување на просторните капацитети преку опремување на судници и простории, меѓу другото и во Одделението во Пробиштип.

Целосното интервју може да се погледне на следниот линк.