Известување за соработка со граѓански организации

      Основен суд Штип со особено задоволство ја известува јавноста дека со Коалицијата „Сите за правично судењe“, како мрежа на граѓански организации, чија цел е имплементација на меѓународни стандарди за правично судење, е потпишан Меморандум за институционална соработка во рамките на нивниот проект „Правен, финансиски и физички пристап до правда во основните судови во Р.Северна Македонија“. Во рамките на оваа соработка, ОС Штип ќе овозможи пристап до просторија во судската зграда на овластено лице од Коалицијата заради непречено функционирање на регионална канцеларија во која во определен термин, еднаш во неделата, граѓаните кои имаат потреба од судски мониторинг на подрачјето на АС Штип ќе можат да се сретнат со овластеното лице од Коалицијата.

      Оваа соработка е продолжување на успешната соработка помеѓу ОС Штип и Коалицијата и придонесува за зголемување на транспарентноста на судовите и зголемување на довербата на граѓаните во истите.

                                                                                                                                 Основен суд Штип