Судија Ѓорѓи Андонов

Образование:

          Роден е и завршил основно и средно образование во Штип, а дипломирал на Правниот факултет при Универзитетот Св.Кирил и Методиј – Скопје во 2001 година. Правосуден испит положил 2004 година.
Од месец Јули 2005 вработен како стручен соработник во ОС Штип (област кривично право), а од месец Септември 2008 посетува Академијата за судии и обвинители Скопје, каде дипломира во месец Јануари 2010 година.

Работно искуство:

          На 22.04.2010 година е избран за судија во Основен суд Штип, каде постапува по предмети од кривична материја (во текот на 2016-2018 постапува и по предмети од граѓанска материја).
На 02.11.2019 година  е избран за Претседател на Основен суд Штип.
 

Објавени трудови и активности:

          Aктивен член e на Здружението на судии на РСМ, претседател на подружницата на ЗСРСМ во ОС Штип во два мандата, а член на УО на ЗСРСМ од Мај 2020 година. Учесник во повеќе комисии и работни и проектни групи на ЗСРСМ, а член на Судиско-медиумското тело на ЗСРСМ од 2018 година до 2020 година.
Kо-автор е на „Прирачник за судска транспарентност“ издаден од ЗСРСМ во 2020 година.
          Учесник е на бројни меѓународни конференции, семинари и обуки во РСМ и странство од областа на правосудството, а бил во студиски и работни посети на повеќе земји. Алумни е на Open World Leadership Centre (САД).
           Член е на мултисекторски тим во општина Штип за превенција, заштита и спречување на семејно насилство. Предавач/обучувач е во континуираната обука на Академијата за судии и обвинители и во обуки организирани од меѓународни и невладини организации (ОБСЕ, МЗМП, СОС Детско село, ЕХО Штип).
          Во 2020 година е избран за член на Централната работна група на Судиската мрежа при CEELI institute во Прага, Чешка.