ОСНОВЕН СУД СТРУГА IN MEMORIAM Судија ЖИВКО ВРАНИШКОСКИ 1936-2021 [Property context="current" type="content" htmlencode="false" separator="</li><li>" field="categories" start="
  • " end="
"] [Property context="current" type="content" htmlencode="false" separator="</li><li>" field="keywords" start="
  • " end="
"]

Вести

%%
%%

ОСНОВЕН СУД СТРУГА IN MEMORIAM Судија ЖИВКО ВРАНИШКОСКИ 1936-2021

News  |  Feb 25, 2021
Судија ЖИВКО ВРАНИШКОСКИ 1936-2021Судија ЖИВКО ВРАНИШКОСКИ 1936-2021

ОСНОВЕН СУД СТРУГА

 

IN MEMORIAM

 

 

Судија ЖИВКО ВРАНИШКОСКИ

1936-2021

На ден 22.02.2021 година, по кратко боледување почина Живко Вранишкоски, јавен обвинител, судија и претседател на Основниот суд во Струга.

Судијата Живко Вранишкоски се родил на ден 10-ти август 1936 година во с. Мали Влај, Струга. Средното образование завршил во охридската гимназија а правниот факултет во Скопје во 1962-ра година. Во 1961 година бил вработен во Окружното обвинителство во Тетово,  а од 1962-1965 година во Општинското јавно обвинителство во Титов Велес. Во 1966 и 1967 година својата кариера ја продолжил во фабриката ,,Браќа Кошулчеви‘“ во истото место. Од 1967 година работи во Општината Титов Велес до 1969 година, додека во периодот 1969-1970 година работи како секретар во ЗООИЛ Титов Велес. Во април 1970   година е избран за судија на Општинскиот суд Струга а  во 1977 година е избран за Јавен обвинител на тогаш основаното Општинско јавно обвинителство кое до 1984 година го преобразил во целосно стручна служба. Во 1985-та година Живко Вранишкоски е избран за Претседател на Општинскиот а од 1996 година на Основниот суд во Струга и оваа функција да ја извршувал се до неговото пензионирање во 2001 година.

Судијата Живко Вранишкоски во Основниот суд Струга се истакна како врвен правник, со прецизна логичка мисла, елоквентна примена на правото, со јасни и прегледни стручни методи кои оставија траен белег за помладите генерации. Неговиот стручен, професионален и човечки пристап кон колегите, соработниците и странките ќе остане засекогаш запаметен во нашите срца како пример за неуморност, скромност, чесност и човечност.

Струга, 25.02.2021 година

 

                             Основен суд Струга

   


Decision search

Court
Case number
Date
_