ИНТЕРЕН ОГЛАС бр.1/21

ЗА УНАПРЕДУВАЊЕ НА СУДСКИ СЛУЖБЕНИЦИ

Се објавува интерен оглас за унапредување на судски службеници за работно место:

1. Судски советник ..................... 3 (три) извршители, шифра на работното место СУД0101В01002

Кандидатите треба да ги исполнуваат следните посебни услови:

- стекнати 300 кредити според ЕКТС или завршен VII/1 степен, правен факултет,

- положен правосуден испит,

- најмалку 3 години работно искуство во струката

- активно познавање на еден од трите најчесто користени јазици на Европската унија (англиски, француски и германски)

- активно познавање на комјутерски програми за канцелариско работење.

2. Виш судски референт - извршител во писарница.......................2 (два) извршители, шифра на работното место СУД0101Г02001

Кандидатите треба да ги исполнуваат следните посебни услови:

- најмалку више или средно образование,

- најмалку 2 години работно искуство во струката

- активно познавање на еден од трите најчесто користени јазици на Европската унија (англиски, француски и германски)

- активно познавање на комјутерски програми за канцелариско работење.

На интерниот оглас може да се пријават судски службеници од Основен суд Велес кои ги исполнуваат и следните услови:

- да е оценет со оцена „особено се истакнува“ или „се истакнува“ при последното оценување,

- да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас,

- да поминал најмалку две години на работното место на кое е распореден и

- да не му е изречена дисциплинска мерка во последната година пред објавувањето на интерниот оглас.

Работно време: од понеделник до петок од 7.30 до 15.30 часот.

Работни часови неделно: 40.

Платата (за образование, ниво и звање) за работното место под реден број 1 во нето износ изнесува 28.604,00 денари.

Платата (за образование, ниво и звање) за работното место под реден број 2 во нето износ изнесува 18.188,00 денари.

Кон пријавата кандидатите може да ги приложат и следните докази:

- потврди за успешно реализирани обуки и/или

- потврди за успешно реализирано менторство (како ментор или менториран судски службеник)

Рок за пријавување на огласот изнесува 7 (седум) дена од денот на објавување на огласот на веб страната на судот.

Кандидатите пополнетата пријава со доказите за податоците содржани во пријавата, во хартиена форма ја доставуваат во приемната писарница на Основен суд Велес со назнака „за Интерен оглас“.

Во пријавата кандидатите се должни под материјална и кривична одговорност да потврдат дека податоците во пријавата се точни, а доставените докази верни на оригиналот.

Ненавремена, нецелосна и неуредна пријава, како и пријава во која кандидатот внел лажни податоци нема да се разгледува и кандидатот ќе биде дисквалификуван од натамошната постапка.

ОСНОВЕН СУД ВЕЛЕС

Пријава