Почитувани, За да добиете право за пристап до досие на предмет, граѓански или кривичен, НЕ ОПХОДНО е да бидете УЧЕСНИК во постапката: странка,застапник или полномошник. Идентитетот се потврдува со личен документ за идентификација и или полномошно издадено од лице ученик во постапката. Лица кои не се учесници во постапката можат да добијат САМО информации од јавен карактер. Правото за пристап се добива со поднесување на БАРАЊЕ за преглед на списи на предмет (кое се издава во судот), кое се пополнува во суд, а за истото се наплаќа судска такса од 100 денари, во пошта или банка. Со барањето за преглед на списи и оригинал од уплатницата за наплатена такса, поднесени во примено одделение во судот, се добива право за преглед на списи од предмет. Сите списи приложени во досието на предметот се достапни за преглед. За да добиете хартиена копија од избраните СТРАНИЦИ, се наплаќа 80 денари од СТРАНИЦА. Вкупната сума (број на страници х 80 денари од страница) се плаќа на сметка, слично како таксата претходно. Прегледот на списите во избраниот предмет СЕ СПРОВЕДУВА ВО ПРИСУСТВО на лице од судот, најчесто уписничар за областа од кој е предметот. Со почит.

Почитувани. Ова е Ваша, лична правна работа и за истата одлучувате само Вие. Содржината на Вашиот предмет можете да ја погледнете од неговото досие: Вие сте учесник во предметот и како таков имате право на преглед. Од прегледот ќе се види дали е изминат рокот од Ваш интерес. Ако сметате дека Ви е нанесена штета од Вашиот адвокат, постои правен лек со кој можете да барате оштета од истиот. Со почит.

Почитувани, Основните документи се територијално поврзани, а тоа значи дека се надлежни за заверка со апостил печат на документи изададени од органите на управата, од територијата на подрачјето за кое судот е надлежен. Тоа значи дека Основен суд Велес е надлежен за заверка со апостил печат на документи издадени од органи на управата за кои истоимениот суд е надлежен. Соодветно и останатите судови. Во врска со Вашиот пример: 1. Граѓанин кој живее во Велес и сака да завери документ издаден од органи на управата од Велес, во Основен суд Битола, странката се упатува документот да го завери кај нотар надлежен за територијата на Основен суд Битола, после кое судот во Битола ќе го завери со печат апостил. 2. Ако документот е издаден од органи на управата од Битола, иако граѓанинот живее во Велес, истио ќе се завери со печат апостил во ОС Битола или се постапки како во точка 1 од овие примери. Со почит.

Почитувани, граѓаните на Република Македонија можат да добијат информација од јавен карактер што ја изготвило или со која располага Основен суд Виница. Вашето прашање содржи барање за информација од работењето на други институции во земјата и правен совет. На линкот во продолжение се наведени јавните информации кои можете да ги добиете од Основен суд Виница. Со почит. http://sud.mk/wps/portal/osvinica/sud/kontakt/sloboden-pristap/!ut/p/z1/04_Sj9CPykssy0xPLMnMz0vMAfIjo8zizdxNTAwsvA18LIKDnAwcXQ3MLUIsHQ38nQ30w_EpcHcz0I_Crz9MP0o_Krm0qCg1r0Q_sqSoNBW_kSA9ICMNcABHkJOiCCnxMND3wucykMMLckNzdSMMdF0dFRUBu_sPGQ!!/dz/d5/L2dBISEvZ0FBIS9nQSEh/?current=true

Почитувани прашањето поставете го на Судскиот портал, Портлетот на Основен суд Битола. Со почит.

Почитувани, прашањето поставете го на Судскиот портал, портлетот на соодветниот суд. Со почит.

Почитувани, судот ќе го завери документот со печат апостил, ако истиот е заверен со нотарски печат и потпис. Со почит.

Почитувани, Вашето прашање поставете го на Судскиот портал, портлетот на Основниот граѓански суд Скопје или на потлетот на Апелационен суд Скопје. Со Почит.

Почитувани, Ако се работи за Ваше парично побарување од установата, која сакате да ја тужете, Е МОЖНО да се поднесе директна тужба без претходно да поднесете барање или редовен правен лек (жалба, приговор). Во спротивно ако се работи за статусен спор, под што се подразбира прераспоредување на друго работно место, престанок на работен однос, унапредување и слично, МОРА претходно да се води постапка со вложување на правен лек, жалба (приговор). Истото се однесува ако сакате да поводете постапка против институција пред Управен суд. Значи ако се иде на Управен суд мора претходно да се вложе жалба. Со почит

Почитувани, Взшето прашање не е во судска надлежност туку во управна постапка, односно на управните органи. Со почит.

Почитувани, за време на боледување, во смисла на физичко отсуство од работа, не го спречува судијата да постапува по предметите кои се во работа. Во таа смисла потпишувањето на пресуди ако за тоа се исполнети услови како и достава на писмена - покани и закажување на рочишта, се дел од редовната, работна постапка за секој судија, на боледување или не. Со почит.

Почитувани, Одговорите на Вашите прашања се: 1. Otkako stigne izvestuvanje deka e zavrsena istraznata postapka,dali deloto prodozluva na sud ili moze da go prekine jav.obivnitel? - За тоа прашање одлуката ја носи јавниот обвинител, а во зависност од резултатите од истражната постапка. Истражната постапка може да заврши и без поведување на постапка пред суд, но може и да иницира иста таква. 2. Posle kolku vreme od zavrsuvanjeto na istraznata postapka stignuva pokana za sud? - Ако истражната постапка иницира постапка пред суд тогаш за тоа прашање одлуката ја носи судечкиот судија, а во зависност од термините кои ги има слободни за судење т.е. нови рочишта. Со почит.

Почитувани, Покана за сведок во судска постапка преку е-маил или телефон од страна на судот не се практикува, не е валидна. Писмената покана, со писмо пратено преку пошта или достава преку судски доставувач (курир) се валидни постапки за достава на писмена т.е. покана. Постои форма за електронска достава преку „Судскиот систем за електронска достава“ http://edostava.sud.mk/ , која е достапна за сите лица и субјекти, но за „едно-кратна“ потреба како сведок, во Вашиот случај, веројатно би била не целисходна и скапа. Постои правна постапка со кое Вие како сведок можете да бидете повикани на рочиште БЕЗ ПОКАНА ако сте повикани од било која од странките учесници во постапката како сведок, а истото да се констатира во записник за време на постапката. Ова, последното, значи дека учесник во постапката (тужител, тужен, оштетен и слично) може да Ве повика на рочиште, по телефон, со е-маил или усмено, да присуствувате на рочиштето, А ВАШЕТО УЧЕСТВО КАКО СВЕДОК ДА БИДЕ КОНСТАТИРАНО ВО ЗАПИСНИК на истото рочиште. Со почит.

Почитувани, 1. Жалба можете и сами да составете и да ја поднесете, ако тоа не сте во можност 2. во Подрачната единица на Министерството за Правда во Вашата општина, ПО ЗАКОН се должни да понудат БЕСПЛАТАНА правна помош. Таква единица во Вашата општина сигурно постои- поединец или повеќе лица. За детали обратете се во соодветниот инфо центар во општината каде ќе Ве упатат до соодветната подрачна единица. Со почит.

Почитувани, Можноста да се „оде“ на повисоко ниво- Врховен суд, ПОСТОИ. Можноста за „одење“ на повисок суд зависи од ВИДОТ НА СПОРОТ. За деталите дали Вашиот спор и можноста истиот да продолжи до повисока судска инстанца, посоветувајте соодветно, стручно лице. Со почит.

Почитувани, Издавање на потврда за деловна способност издадена за физичко лице, се уште бара физичко, ЛИЧНО присуство на лицето, подносител на барањето, во просториите на надлежниот суд. Дополнително, издавањето на потврдата е се уште во харитена форма, потипишана од овластено лице и заверена со печата од надлежнен суд, значи без електронски потпис. Со почит.

Почитувани, Оставинска постапка се поведува само ако оставителот т.е. лицето сопственик на имот, е покојно. Во врска Вашето прашање: 1. „Dali može direktno da se nasledi stan od baba na vnuka so odobruvanje na roditelot“. Ако бабата е жива (не се поведува оставинска постапка), може со договор да го преостапи имотот на внуката, но за тоа, во постапката се плаќа данок на промет, кој не би постоел ако имотот се остави на ќерката. 2. „ili treba prvo da se napravi ostavinska na kerkata pa potoa na vnukata“. Ако оставителот т.е. бабата е покојна тогаш мора да се поведе оставинска постапка, и како претходно, ако наследник е внуката се плаќа данок на промет кој не би постоел ако наследник е ќерката. Со почит.

Почитувани, Ако под „заверка во суд“ подразбирате „ставање на печата за правосилност на пресуда“ (заверка на правосилна пресуда), постапката е бесплатна. Судскиот службеник ќе провери дали се остварени сите рокови предвидени со закон, со правилник, па дури потоа, ако условите се исполнети, истата ќе ја „завери“ (стави печат) дека пресудата т.е. одлуката е правосилна. Оваа постапка се спроведува само за лица учесници во предметот т.е. пресудата треба лично да се однесе во суд. Ставањето на печат за правосилност се спроведува истиот ден или најдоцна еден ден подоцна, во зависност од тоа колку време ќе трае проверката на роковите од страна на судскиот службеник. Во судската пракса „заверка на пресуда во суд“ може да подразбира и ставање на печат за други потреби, не само „правосилност“. Тие дополнителни информации може да ги добиете на судски шалтер или по телефон, во најблискиот, за Вас, суд. Со почит.

Почитувани, Вие како учесник во постапката заведена во предмет ПРК-С-221/22 од Основен суд Виница, имате право на „Увид во предмет“ т.е. преглед на ЦЕЛАТА документација заведена во досието за споменатиот предмет, меѓу другото и на доставата на актите (и поканите меѓу нив) во истиот предмет. Увид во предмет се прави во суд, после идентификација на лицето. Од увидот можете СО СИГУРНОСТ да утврдете дали и зошто не сте биле поканети. Со почит.

Почитувани. Ако жалбата сте ја поднеле во законски предвиден рок од 8 дена од денот на објавување на одлуката, потребно е да почекате истиот да измине. Потоа следи период од 8 денови за добивање на одговор на Вашата жалба, па дури потоа, во период од 15 денови имате право на тужба до соодветен надлежен суд. Со почит.