Почитувани, Заверката на документ со печат апостил во судовите се спроведува за неколку минути (обично помалку од 30 минути) во зависност од обемот на работа на лицето кое ги изработува заверките. Сепак, секој суд има свој начин и постапка за работа. Не ретко се случува заверката да одземе и неколку часови до еден ден. Со почит.

Почитувани. Со заверка со печат „апостил“ се потврдува печатот на органот и потписот на овластеното лице, кој ја издал ЈАВНАТА исправа/ документ, за меѓународна употреба, и важи во сите земји членки потписници на конвенцијата од 5ти Октомври 1961 година- Хашка конвенција („Convention de La Haye du 5 octobre 1961“). Со почит.

1. Дали треба да се закаже за да се направи тестамент: 1.1 Да, ако тестаментот се составува во судот. Се поднесува барање за составување на тестамент, после кое се одредува рочиште кај судечкиот судија. Потребен е еден сведок. 1.2 Не, ако тестаментот се составува дома- своерачно (тестаменто се составува во присуство на двајца сведоци кои не се во роднинска врска со тестаторот), се става во затворен плик и со барање за чување за тестамент се носе во суд (ако тестаментот се чува во суд). 2. Која е цената за судски тестамент: 2.1 за составување на тестамент во судот (закажување и одржување на судско рочиште), е 480 денари; 2.2 за чување на тестамент во судот, е 480 денари; 2.3 ако тестаментот се составува и чува во судот, 960 денари. Поради моменталната состојба со вонредно воведените мерки во која работи судот, составувањето на тестамент не спаѓа во „итни“ предмети поради што судот нема да постапува по барање за истото. Ако Вашето барање е итно потребно е да доставетте доказ / изјава за итноста на Вашиот предмет (барање за составување на тестамент), по електронски пат, на е-маил адреса osvinica@osvinica.mk или osvinica@t.mk , после кое ќе Ви биде одговорено. Со почит.

Почитувани. За било каква техничка помош / подршка во врска со користењето на услугите на еДостава (edostava.sud.mk) , Ве молам обратете се до судот каде сте го поднеле барањето за пристап до порталот за еДостава. Ова е не опходно поради начинот на кој е организирано прифаќањето, обработката и чувањето на запиисте за корисниците на порталот за еДостава. Со почит.

Почитувани. Според Судскиот деловник и последните измени од оваа година, предметите заведени во уписник „ВПП“ (Уписник за вонпарнични предмети) НЕ СЕ ОБЈАВУВААТ на судските портали / портлети на судовите. Со почит.

Почитувани „ПРК-С-10713/15“ е бројот на пресудата (ПРК-С: Прекршоци од областа на Сообраќај), а „ИПРК-3446/21“ е, веројатно, решение за извршување издадено врз основа на НЕ НАПЛАТЕНИ глоби или трошоци по истата пресуда. За детали обратете се во приемно одделение во судот кој ја издал пресудата. Со почит.

Почитувани. НЕ ПОСТОИ можност за ONLINE заверка на документ со печат АПОСТИЛ. Една од можностите е член од Вашето ПОТЕСНО семејство (мајка, татко, брат, сестра) да ја спроведе постапката во продолжение опишана: - Близок член од Вашето семејство во Ваше име да изваде нов документ за „Слободна брачна состојба“ од Управата за Водење на Матични Книги во местото надлежно за Вас, - Споменатиот документ лицето го носе во СУДОТ надлежен за Вашето место на живеење, каде истио се заверува со печат апостил, - Заверениот со апостил печат, документ по ПОШТА, Ви се доставува Вам за Ваши потреби. Тоа е постапката која се применува во Основен суд Виница. Со почит.

Почитувани. Со оглед дека „наследничката изјава“ е заверена кај нотар (официјална институција од земјата потекло - Австралија), истиот може да се користи во оставинска постапка, преведен на македонски, и БЕЗ ЗАВЕРКА со печат апостил. Со почит.

Почитувани, Судија во претходна постапка, според деловникот, НЕ МОЖЕ ДА БИДЕ судија во редовната постапка. Значи судијата се менува. Со почит.

Почитувани, За да добиете право за пристап до досие на предмет, граѓански или кривичен, НЕ ОПХОДНО е да бидете УЧЕСНИК во постапката: странка,застапник или полномошник. Идентитетот се потврдува со личен документ за идентификација и или полномошно издадено од лице ученик во постапката. Лица кои не се учесници во постапката можат да добијат САМО информации од јавен карактер. Правото за пристап се добива со поднесување на БАРАЊЕ за преглед на списи на предмет (кое се издава во судот), кое се пополнува во суд, а за истото се наплаќа судска такса од 100 денари, во пошта или банка. Со барањето за преглед на списи и оригинал од уплатницата за наплатена такса, поднесени во примено одделение во судот, се добива право за преглед на списи од предмет. Сите списи приложени во досието на предметот се достапни за преглед. За да добиете хартиена копија од избраните СТРАНИЦИ, се наплаќа 80 денари од СТРАНИЦА. Вкупната сума (број на страници х 80 денари од страница) се плаќа на сметка, слично како таксата претходно. Прегледот на списите во избраниот предмет СЕ СПРОВЕДУВА ВО ПРИСУСТВО на лице од судот, најчесто уписничар за областа од кој е предметот. Со почит.

Почитувани, Основните документи се територијално поврзани, а тоа значи дека се надлежни за заверка со апостил печат на документи изададени од органите на управата, од територијата на подрачјето за кое судот е надлежен. Тоа значи дека Основен суд Велес е надлежен за заверка со апостил печат на документи издадени од органи на управата за кои истоимениот суд е надлежен. Соодветно и останатите судови. Во врска со Вашиот пример: 1. Граѓанин кој живее во Велес и сака да завери документ издаден од органи на управата од Велес, во Основен суд Битола, странката се упатува документот да го завери кај нотар надлежен за територијата на Основен суд Битола, после кое судот во Битола ќе го завери со печат апостил. 2. Ако документот е издаден од органи на управата од Битола, иако граѓанинот живее во Велес, истио ќе се завери со печат апостил во ОС Битола или се постапки како во точка 1 од овие примери. Со почит.

Почитувани, Основен суд Виница ќе одговори на прашања кои содржат информации од јавен карактер, а кои се однесуваат на работењето на судот и само на судот. Основен суд Виница нема да одговара на прашања, дава мислење или коментира одлуки кои се однесуваат на работењето на други институции или одговара на барањата за правен совет. За видот на информации со кои располага судот, Ве молам посетете ја следната страница: http://www.sud.mk/wps/portal/osvinica/sud/kontakt/sloboden-pristap/!ut/p/z1/04_Sj9CPykssy0xPLMnMz0vMAfIjo8zizdxNTAwsvA18LIKDnAwcXQ3MLUIsHQ38nQ30w_EpcHcz0I_Crz9MP0o_Krm0qCg1r0Q_sqSoNBW_kSA9ICMNcABHkJOiCCnxMND3wucykMMLckNzdSMMdF0dFRUBu_sPGQ!!/dz/d5/L2dBISEvZ0FBIS9nQSEh/?current=true Со почит.

Почитувани, судот ќе го завери документот со печат апостил, ако истиот е заверен со нотарски печат и потпис. Со почит.

Почитувани, Издавање на потврда за деловна способност издадена за физичко лице, се уште бара физичко, ЛИЧНО присуство на лицето, подносител на барањето, во просториите на надлежниот суд. Дополнително, издавањето на потврдата е се уште во харитена форма, потипишана од овластено лице и заверена со печата од надлежнен суд, значи без електронски потпис. Со почит.

Почитувани, Ако под „заверка во суд“ подразбирате „ставање на печата за правосилност на пресуда“ (заверка на правосилна пресуда), постапката е бесплатна. Судскиот службеник ќе провери дали се остварени сите рокови предвидени со закон, со правилник, па дури потоа, ако условите се исполнети, истата ќе ја „завери“ (стави печат) дека пресудата т.е. одлуката е правосилна. Оваа постапка се спроведува само за лица учесници во предметот т.е. пресудата треба лично да се однесе во суд. Ставањето на печат за правосилност се спроведува истиот ден или најдоцна еден ден подоцна, во зависност од тоа колку време ќе трае проверката на роковите од страна на судскиот службеник. Во судската пракса „заверка на пресуда во суд“ може да подразбира и ставање на печат за други потреби, не само „правосилност“. Тие дополнителни информации може да ги добиете на судски шалтер или по телефон, во најблискиот, за Вас, суд. Со почит.

Почитувани Основен суд Виница може да одговори на прашањае и достави информации во согласност со член 9 од Законот за слободен пристап до информации од јавен карактер (Сл.весник на РМ бр.13/06 и чл.3 од Упатството за начинот и постапката за спроведување на Законот за слободен пристап до информации од јавен карактер). Деталите за видот на информации е наведен во споменатиот член за кој можете да прочитате на следниот линк: http://www.sud.mk/wps/portal/osvinica/sud/kontakt/sloboden-pristap/!ut/p/z1/04_Sj9CPykssy0xPLMnMz0vMAfIjo8zizdxNTAwsvA18LIKDnAwcXQ3MLUIsHQ38nQ30w_EpcHcz0I_Crz9MP0o_Krm0qCg1r0Q_sqSoNBW_kSA9ICMNcABHkJOiCCnxMND3wucykMMLckNzdSMMdF0dFRUBu_sPGQ!!/dz/d5/L2dBISEvZ0FBIS9nQSEh/?current=true Со почит.

Почитувани, Да. Може. Со почит.

Почитувани, во поголемите судови каде има доволен број на судии за да се формира Кривичен совет на судии (тројца судии), постапката по предметот заведен во КС-КР уписник, обично трае помалку од месец дена. Во помалите судови- како Основен суд Виница, каде нема доволен број на судии за формирање Кривичен совет на судии, постапката трае подолго бидејќи се чека одлука од Второстепен суд за именување на судија или судии за споменатиот совет. Со почит.

Почитувани, Во Основен суд Виница потврдата за „родителско право (за третто дете)“ се издаваат само во приемно одделение во судот. Со почит.

Почитувани, заверка на документ со печат апостил се наплаќа 300 денари и 30 до 50 денари банкарска такса (во зависност од банката), по документ. На шалтер во судот во Виница може да се плати електронски со платежна картичка при што се наплаќа 30 денари банкарска такса. Со печат апостил се заверуваат само документи кои се изададени од јавни институции на територијата на општината за која е надлежен судот. Со почит.