Почитувани.

Регистрираните корисници на порталот за електронска достава и прием на акти во судовите во Република Македонија - https://edostava.sud.mk/, во текот на изминатите неколку недели, се изложени на појава на грешка при обид за пристап, регистрирање и најава на истиот.

Грешката се појавува како резултат на промена на сигурносите механизми за проверка на безбедноста на SSL врската од клиентскиот (корисничкиот) компјутер (од каде се пристапува) до серверот на порталот за електронска достава, а од страна на пребарувачите Google Chrome- верзија 60 и понова, како и Mozilla Firefox- верзија 55 и понова. Грешката не се појавува при пристап на порталот за еДостава преку пребарувачот Internet Explorer, верзии 8 до 11.

Пребарувачите Google Chrome и Mozilla Firefox го пријавуваат наведениот проблем како резултат на нивни (производителите на интернет пребарувачи) зголемени барања за безбедност - SSL сертификација на страна на серверот, кои SSL сертификатот на страна на серверот на https://edostava.sud.mk/ , привремено не ги задоволува.

Се работи на разрешување на грешката.

Во меѓу време, пристап до порталот е можен- без дојава на грешка преку пребарувачот Microsoft Internet Explorer, верзии 8 до 11.
Регистрираните корисници може да пристапат на порталот за еДостава и преку Google Chrome и Mozilla Firefox, доколку додадат безбедносен исклучок за сертификатот т.е. прифатат да пристапат на порталот преку не безбедна врска преку понудениот линк (врска) на дното на прозорот (слика во продолжение).

(Примерот во продолжение се однесува на пребарувач Google Chrome. Слично се постапува и со Mozilla Firefox)

Со почит.