СУДСКИОТ СОВЕТ  СО ВНИМАНИЕ ЈА СЛЕДИ РАБОТАТА  НА СУДИИТЕ

По повод зачестените прозивки на сметка на Судскиот совет  од кој се бара  веднаш да пристапи кон разрешување на одделни судии во  неправосилни  судски случаи за кои постои голем интерес и  се под опсервација на јавноста, сметаме за потребно да  ја известиме јавноста за следното.

Судскиот совет  со внимание ја следи работата на секој судија и постапува во рамките на своите законски надлежности.

            Согласно  членот 61 од Законот за Судски совет, сите незадоволни лица можат  да поднесат барање  за  утврдување на одговорност на судија или претседател на суд во рок од шест  месеци од денот на осознавање на сторената повреда, но не подоцна  од три години од денот на сторувањето . Постапката е итна и од доверлив карактер и се води без присуство на  јавноста  и со почитување на угледот и достоинството на судијата  или претседателот на  судот.