Kryetari Gjykatës Administrative bëri betimin në Këshillin Gjyqësor

Kryetari i Gjykatës Administrative Burim Sejdini sot bëri betimin para anëtarve të Këshillin Gjyqësor. Ai u betua se do të respektojë Kushtetutën dhe ligjet dhe premtoi punë të përgjegjshme dhe të ndershme. Burim Sejdini është zgjedhur kryetar i Gjykatës Administrative dy javë më parë nga anëtarët e Këshillit Gjyqësor. Ky është mandati i tij i dytë si kryetar. Gjatë zgjedhjeve, anëtarët e Këshillit Gjyqësor theksuan punën e tij të suksesshme në mandatin e parë, si dhe rëndësinë e rezultateve të arritura. Pas betimit, kryetari Burim Sejdini shprehu pritjen që ndërtesa e re e Gjykatës Administrative, e cila do të përmirësojë kushtet e punës së gjykatës, të jetë gati deri më 31 mars, kur festohet Dita e Drejtësisë.