Претседателката на Судскиот совет на Република Северна Македонија, Весна Дамева, оствари работна средба  со Амбасадорот на Европската Унија во Република Северна Македонија, Дејвид Гир и претставници од Амбасадата на Европската Унија во Република Северна Македонија, Џулиан Васало,Заменик Шеф на Делегација и Шеф на Политички сектор и Марина Курте, Советник за ЕУ интеграција и правни прашања.

     Имајки го во предвид примарниот фокус на Делегацијата на ЕУ и Земјите членки на ЕУ на владеењето на правото, и поддршката на  земјата во рамки на спроведување на реформите неопходни за членство во ЕУ, на работната средба Амбасадорот Гир беше информиран за работата на Судскиот совет.

     Претседателката на Судскиот совет го информираше за капацитетите на Советот, за исполнетите задачи и превземените дејствија, како и за главните предизвици кои следуваат во наредниот период, со цел да се исполнат обврските кои ќе ја приближат земјата до ЕУ.

     Претседателката и амбасадорот ги истакнаа своите заложби за взаемна и плодна соработка.