Одржан втор состанок на Управниот одбор

на проектот „ Поддршка на ЕУ за владеење на правото“

Претседателката на Судскиот совет на Република Северна Македонија, Весна Дамева  учествуваше  на вториот состанок на Управниот одбор на проектот „ Поддршка на ЕУ за владеење на правото“ на кој се презентираше и се усвои првиот наративен извештај.

Во Извештајот инкорпорирани се досегашните проектни активности за сите компоненти, меѓу кои и компонента 1, преку која Судскиот совет изминатиот период имаше одредени активности, а истите ќе следуваат и во наредниот период, со цел подобрување на капацитетите во работата на Судскиот совет на Република Северна Македонија.