СООПШТЕНИЕ

                Судскиот совет на Република Северна Македонија известува дека на 331-та седница на ден 4.02.2020 година, одлучи за следното:

1.Донесен е Правилник за начинот на рангирање на кандидатите за избор на судија во повисок суд.

2.Донесена е Одлука за формирање на Комисија за рангирање на кандидатите за избор на судија во повисок суд.

3.Донесена е Одлука за изменување и дополнување на Годишен план за јавни набавки во 2020 година.

4.Разгледан и усвоен е Извештајот на Комисијата за проверка на знаењето на практичната работа со компјутери на кандидатите за судии во основните судови на РСМ.

5.Донесено е Решение за престанок на судиска функција на Љубомир Бошевски, судија на Апелационен суд Битола, поради исполнување на услови за старосна пензија.