Соопштение од 387-та седница на Судски совет на РСМ - 16.11.2021 година
ActionsВести
- Почетна
- >
- Вести
Соопштение од 387-та седница на Судски совет на РСМ - 16.11.2021 година
СООПШТЕНИЕ
Судскиот совет на Република Северна Македонија известува дека на 387-та седница одржана на 16.11.2021 година, одлучи за следното:
Усвоени се: Записник од 376-та седница на Судскиот совет на Република Северна Македонија од 24.06.2021 година; Записник од 384-та седница на Судскиот совет на Република Северна Македонија од 13.10.2021 година и Записник од 385-та седница на Судскиот совет на Република Северна Македонија од 20.10.2021 година;
За заменик претседател на Судскиот совет на Република Северна Македонија избран е м-р Селим Адеми, член на Судскиот совет на Република Северна Македонија;
Донесена е Одлука со која Спиро Борисов, судија на Основен суд Кочани времено се упатува за вршење на судиската функција во Основен суд Виница за период од 6 месеци од денот на упатувањето;
Судскиот совет констатираше престанок на функцијата на тројца судии поротници на Основен суд Струга поради истек на мандатот за кој се избрани и на еден судија поротник на Основен кривичен суд Скопје поради навршени 60 години старост;
Донесени се одлуки по поднесени барања за надомест на трошоци за превоз за еден судија на Основен суд Велес кој е времено упатен во Основен суд Неготино и за еден судија на Основен суд Прилеп кој е времено упатен во Основен суд Крушево;
Разгледaно е известувањето од Основен граѓански суд Скопје за потребата од судии на одделот за работни спорови;
Формирани се комисии на известители по поднесени барања за поведување на постапка за утврдување на одговорност на судија/претседател на суд;
Донесена е одлука со која се одбива како неоснован приговорот на судија на Основен суд Кичево во врска со донесена Одлука за распределба на предмет во судот.