Амбасадорка Анџела Прајс Агелер денес се сретна со претседателката на Судскиот совет на Република Северна Македонија, Весна Дамева.

На средбата се разговараше за состојбите и предизвиците со кои се соочува Судскиот совет и  судството, како и за  мерките и активностите кои ги презема Судскиот совет.

Амбасадорката Агелер посебно ја истакна потребата за борбата со корупцијата, независното, ажурното и непристрасното одлучување на Судскиот совет и судовите, а со цел обезбедување на владеење на правото и даде силна поддршка на  Судскиот совет,  во остварувањето на своите  функции согласно со Уставот и законите, во насока на обезбедување и гарантирање на самостојноста и независноста на судската власт.

Претседателката Дамева изрази благодарност за континуираната соработка,  нагласувајќи дека особено ја цени поддршката од САД и ја информираше  амбасадороката дека е одржана работилница на која се разгледани и донесени заклучоци за секоја од препораките на Оценската мисија и дека Судскиот совет ќе започне со реализација на заклучоците.

Кабинет на претседателот на

Судскиот совет на  Република Северна Македонија