Соопштение од 318-та седница одржана на ден 26.09.2019 година
ActionsВести
- Почетна
- >
- Вести
Соопштение од 318-та седница одржана на ден 26.09.2019 година
СООПШТЕНИЕ
Судскиот совет на Република Северна Македонија известува дека на 318-та седница одржана на ден 26.09.2019 година, одлучи за следното:
1.Усвоен е:
• Записникот од 316-та седница на Судскиот совет на Република Северна Македонија од 27.08.2019 година.
2.Донесена е Одлука за објавување на Оглас за избор на претседател на Основен суд Радовиш, Основен суд Струга и Основен суд Струмица.
3.Донесена е Одлука за објавување на Оглас за избор на 3 (тројца) судии во Врховниот суд на Република Северна Македонија и тоа за: 1 (еден) судија за граѓанска област и за 2 (двајца) судии за кривична област.
4.Донесени се одлуки за надоместок на патни трошоци и надомест на закупнина за судии во судовите на РСМ.
5.Констатиран е престанок на судии-поротници во Основен кривичен суд – Скопје и тоа:
- Маргарита Ивановска од Скопје, по сопствено барање и
- Борис Пешевски од Скопје, поради навршени 64 години старост.
6.Редовно е оценета работата на претседателот на Основен кривичен суд – Скопје за 2017 и 2018 година.
7.Донесени се одлуки по поднесените барања за повторно оценување на работата на претседателите на судии за 2017 и 2018 година.
8.Расправаше по Извештај на Комисијата за утврдување на одговорност на судија/претседател на суд и одлучи:
- по едно Барање е донесена Одлука со која е запрена постапката.
9.Расправаше по извештаите на членовите известители по поднесените барања за поведување на постапка за утврдување на одговорност на судија/претседател на суд и одлучи по три барања е продолжена постапката.
Денешната 318-та седница е прекината, а истата ќе продолжи на ден 30.09.2019 година и тоа по точките „10“ и „11“ од Дневниот ред, по завршувањето на 319-та седница која е закажана за ден 30.09.2019 година со почеток во 10,00 часот.