СООПШТЕНИЕ

Судскиот совет на Република Северна Македонија известува дека на 451-та седница одржана на ден 27.07.2023 година го измени и дополни Дневниот ред и одлучи за следното:

1. Усвоени се записници од:

- 442-та седница на Судскиот совет на РСМ од 22.05.2023 година,;

- 444-та седница на Судскиот совет на РСМ од 08.06.2023 година и         

 - 445-та седница на Судскиот совет на РСМ од 15.06.2023 година;

2. Утврден е престанок на судиска функција поради исполнување на услови за старосна пензија на судија Славица Мирковска од Апелациониот суд Битола, судија Насер Хаџи Ахметагиќ од Основен кривичен суд и судија Драган Миноски од Основен суд Кичево;
3. Донесена е одлука за објавување оглас за избор на член на Судски совет на РСМ од редот на судиите од Врховен суд на Република Северна Македонија

• Формирана е Комисија за подготовка на кандидски листи во состав од Мирсад Суроји – претседател на Комисијата, м-р Ивица Николовски и  м-р Тања Чачарова Илиевска – членови на Комисијата;

4. Утврдено е мирување на судиска функција на Вероника Жеваировска – судија на Основен граѓански суд Скопје;
5. Разгледан и усвоен е Извештајот на Комисија за рангирање на кандидати за избор на судија во повисок суд;
6. Разгледани и усвоени се извештаи од работни посети на Основен суд Струга и Основен суд Дебар;
7.  Донесена е Одлука за објавување на оглас за избор на претседатели во:  Виш управен суд, Основен граѓански суд Скопје, Основен суд Велес, Основен суд Делчево, Основен суд Кичево, Основен суд Крива Паланка, Основен суд Неготино и Основен суд Штип и формирана е Комисија за проверка на исполнетост на условите и критериумите за избор на претседател на суд во состав од м-р Ивица Николовски – претседател на Комисијата, Весна Дамева и Лорета Горгиева – членови на Комисијата;
8. Разгледан е Извештајот за констатирана состојба за работата на претседател на суд;
9. Одлуката за избор на судија на основен суд е ставена вон сила.

• Донесена е Одлука за објавување на оглас за избор на 1 (еден) судија на Основен суд Свети Николе