Работилница во рамки на проектот „Зајакнување на ефикасноста, отчетноста и транспарентноста на Судскиот совет на Република Северна Македонија“ 

Во рамки на проектот „Зајакнување на ефикасноста, отчетноста и транспарентноста на Судскиот совет на Република Северна Македонија “  финансиран од Владата на Кралството Холандија, се одржува дводневна работилница на која претседателката  и членовите на Судскиот совет на Република Северна Македонија со тимот на експерти од Судскиот совет на Кралството Холандија, Јос Путс и Алекс  Лешен и проектниот менаџер на ЦИЛЦ Емили Ван Рхинен, продолжуваат со имплементацијата на проектните активности.

Целта е преку изработка на  подобрени извештаи кои ги  изготвуваат судовите, Судскиот совет да може да планира активности и мерки за подобро функционирање на судовите, како и подобро следење на работата на судството воопшто.