СООПШТЕНИЕ

Судскиот совет на Република Северна Македонија известува дека на 400-та седница одржана на ден 07.04.2022 година го измени и дополни дневниот ред и одлучи за следното:

1. Усвоен е:

• Записникот од 397-та седница на Судскиот совет на Република Северна Македонија од 15.03.2022 година;

2. Разгледан е извештај од работна посета на Апелационен суд Штип;
3. Советот при одлучување по Известувањето на Комисијата оцени дека е потребна доработка на предметот и предметот го врати на Комисијата која е должна да достави дополнителен извештај до Советот;
4. Постапката по 1(едно) барање за утврдување одговорност на судија е продолжена;
5. Расправаше по Извештаи за констатирана фактичка состојба по барање за поведување постапка за одговорност на судија/претседател на суд:

• По 1(едно) барање разрешен е 1(еден) судија поради нестручно и несовесно вршење на судиската функција и времено е оддалечен од вршење на судиската функција;
• По 1(едно) барање утврдено е нестручно и несовесно вршење на судиската функција;
• По 1(едно) барање разрешен е 1(еден) судија поради нестручно и несовесно вршење на функција како вршител на должност претседател на суд;
• По 1(едно) барање разрешен е 1(еден) судија поради потешка дисциплинска повреда;
• По 1(едно) барање разрешен е 1(еден) судија поради нестручно  и несовесно вршење на функцијата како вршител на должност претседател на суд;

6.  Донесена е Одлука со која е усвоен приговорот поднесен од судија за измена на Годишниот распоред за работа донесен од претседател на суд.
7. Разгледани се известувања и извештаи;
8. Формирани се Комисии на известители по поднесени барања за поведување на постапка за утврдување на одговорност на судија/претседател на суд.