СООПШТЕНИЕ

Судскиот совет на Република Северна Македонија известува дека на 405-та седница одржана на ден 08.06.2022 година го измени и дополни дневниот ред  и одлучи за следното:

1. Усвоен е Записникот од 398-та седница од 29.03.2022 година;
2. Донесени се одлуки за престанок на функцијата судија поротник во:

• Основен суд Гостивар и тоа за Душко Наумоски, по сопствено барање и
•  Основен суд Гевгелија и тоа за Зоран Николов, Ирена Павлова, Катерина Арнаудова и Костадинка Стојанова поради истек на мандат;

3. Разгледани се извештаите од:

• Работната посета на Вишиот управен  суд;
• Работната посета на Управниот суд и;
• Разгледани и усвоени се предлог-заклучоците од работната посета на Апелационен суд Скопје;

4. Судскиот совет на РСМ констатираше дека не е надлежен по однос на одлучувањето по поднесено барање од судија за користење на неплатено отсуство; 

5. Разгледани се доставените одговори по поднесено барање до основните судови заради времено упатување на судии за вршење на судиската функција во друг суд;
6. Одбиено е барањето од Управен суд; 
7. Разгледани се известувањата за Основен кривичен суд Скопје; 
8. Разгледано е известувањe за утврдена фактичка состојба за Виш управен суд;
9. Прифатено е барањето за повторување на постапка по известување на Комисија;

10. Донесена е Одлука со која се констатира повлекување на барање за поведување на постапка за утврдување на одговорност на судии;

• Постапката по 2(две) барања за утврдување одговорност на тројца судии е продолжена;

11. Расправаше по Извештаи на Комисии на известители по поднесени барања за поведување на постапка за утврдување на одговорност на судија/претседател на суд:

• По 1(едно) барање изрече дисциплинска мерка-писмена опомена;
• Донесена е Одлука со која се констатира повлекување на барање за поведување на постапка за утврдување на одговорност на судија;

12.Формирани се Комисии на известители по поднесени барања за поведување на постапка за утврдување на одговорност на судија/претседател на суд и

13. Разгледан е предлогот во врска со Методологијата со Индикатори за утврдување на сложеност на предметите и донесен е заклучок истиот да се достави на мислење до Врховен суд на РСМ.