Соопштение
ActionsВести
- Почетна
- >
- Вести
Соопштение
СООПШТЕНИЕ
На ден 12.06.2018 година, Зоран Караџовски – претседател на Судскиот совет на Република Македонија и Лидија Каначковиќ - член Судскиот совет на Република Македонија остварија средба со експертите на Оценската мисија за управна постапка и управно право.
На средбата се дискутираше за решавање на управните спорови во јавната администрација на централно и локално ниво, особено за функционирањето на системот на комисии, за капацитетот и функционирање на Управниот суд и Вишиот управен суд, како и за измените кои треба да следат на Законот за управните спорови.
Лидија Каначковиќ - член Судскиот совет на Република Македонија истакна дека e неопходно да се зајакнат капацитетите на Управниот суд и Вишиот управен суд преку обезбедување на соодветен простор за нивно сместување, како и со пополнување на работните места со судски службеници, а со цел да се обезбеди нормално функционирање на Управниот суд и Вишиот управен суд.