Претставници на Синдикатот на УПОЗ остварија работна средба со  Претседателката на Судскиот совет и заменик претседателот на која беа истакнати неколку барања во однос на статусот на вработените во судската служба. 

Претседателот на Синдикатот на УПОЗ побара соработката помеѓу Синдикатот и Судскиот совет да се подигне на повисоко ниво.
Претседателката на Судскиот совет изрази подготвеност за подобрување на соработката и како прва мерка предложи претставник на Синдикатот на УПОЗ да присуствува во работата на седниците на Судскиот буџетски совет. 

На работниот состанок беше истакнато дека работата во судовите е тимска и дека судиите и судската служба може да постигнат резултати само со заедничко делување. Исто така, беше потенцирано дека во иднина сите отворени прашања ќе се решаваат заеднички и со поддршка на Судскиот совет и Судско буџетскиот совет.