Соопштение за повторување на постапката против Јордан Митриновски
ActionsВести
- Почетна
- >
- Вести
Соопштение за повторување на постапката против Јордан Митриновски
СООПШТЕНИЕ
Судскиот совет на Република Македонија дозволи повторување на постапката против Јордан Митриновски - судија на Апелациониот суд Скопје, по донесена пресуда на Европскиот суд за човекови права во која е констатирана повреда на член 6 став 1 од Конвенцијата за заштита на човекови права и основните слободи. Согласно член 80 став 3 од Законот за Судски совет на Република Македонија е формирана Комисија за спроведување на постапката.
Во текот на 2017 година, Комисијата закажа расправи за 27.02.2017 година, 24.04.2017 година и 11.05.2017 година, кои ги одложи по барање на Јордан Митриновски и неговите бранители.
Расправата закажана за ден 21.11.2017 година, Комисијата ја одржа во присуство на подносителот на барањето за утврдување на нестручно и несовесно вршење на судиската функција, а во отсуство на судијата уредно повикан.