Судскиот буџетски совет на ден 1.11.2019 година донесе Одлука за висината на додатоците на плата за месец Октомври за судиите во висина од 10%, а за судските службеници во висина од 5%, од причини што на судските службеници со изменување и дополнување на законските прописи од месец Септември 2019 година им се покачи платата од 5% и со додатокот на плата од 5% за месец Октомври 2019 година, вкупниот износ е зголемен за 10%.

          Согласно член 7-б став 1 од Законот за дополнување на Законот за платите на судиите („Службен весник на РМ“ бр.231/2015), судијата има право на додаток на плата за:

• Посебни услови за работа;
• Постоење на висок ризик и
• Доверливост.

Согласно членот 7 од Правилникот за додатоци на плата нивната висина и начинот на утврдување за судиите во Република Северна Македонија, висината на додатоците на плата на претседателите на судовите и судиите се утврдува во процентуален износ од основната плата на судијата за:

• Посебни услови за работа во висина од 10%;
• Постоење на висок ризик во висина од 10% и
• Доверливост во висина од 15%.

Вкупниот износ на обезбедени финансиски средства за исплата на додатоците од ставот 1 на овој член го определува Судскиот буџетски совет за секој месец со посебна одлука во рамките на расположивиот буџет на Судската власт.

Имајќи ги во предвид погоре цитираните одредби од Законот и Правилникот, Судскиот буџетски совет одлучи додатокот на плата за судии за месец Октомври 2019 година да изнесува 10% наместо предвидениот износ од 35%, како процентуално би се изедначиле со Судската служба.

На Судската служба им е исплатена платата за месец Септември и Октомври 2016 година, како и додатоците на плата.