Соопштение
ActionsВести
- Почетна
- >
- Вести
Соопштение
СООПШТЕНИЕ
На ден 13.11.2017 година – понеделник во просториите на Судскиот совет на Република Македонија се одржа состанок помеѓу претседателот на Судскиот совет г-дин Зоран Караџовски и претставници од Центарот за правни истражувања и анализи, во врска со проектот ,, Подобрување на квалитетот на правдата во Македонија преку градење на капацитетите за судии и мониторирање на судските реформи‘‘ финансиран од Амбасада на Велика Британија.
Во рамките на овој проект ќе се спроведе мерење на перформансите во правосудството и во таа насока на состанокот беше разговарано за начинот на кој ќе се изврши пилот истражување во неколку судови во Република Македонија.
Главен методолошки инструмент е матрицата на индикатори за мерење на перформансите во правосудството која се состои од пет области на работата: ефикасноста, транспарентноста и одговорноста, квалитетот на судската правда, независноста и непристрасноста, професионалниот развој и соодветната застапеност.
Целни групи ќе бидат судиите и судските службеници, адвокатите, јавните обвинители, нотарите, извршителите, медијаторите, правните лица и Академијата на судии и јавни обвинители.
.