УПРАВНИОТ СУД во совет составен од судиите: Марта Телегравчиска - претседател на советот, Рамије Цара и м-р.Ѓоко Живковски - членови на советот, со записничар Aнета Стевановиќ - судски соработник, одлучувајќи по тужбата на тужителот ИНТЕГРА - Македонска конзервативна партија од Скопје, поднесена преку полномошник Бојан Манев, адвокат од Велес, против Решение на Општинската изборна комисија Струга бр.11-281/2 од 13.09.2021 година, за поднесување на Листа на кандидати за членови на Советот на Општина Струга, на нејавната седница на советот, одржана на ден 16.09.2021 година, согласно член 67 став 9 од Изборниот законик, донесе пресуда Урп.бр.31/2021 со која:

Тужбата на тужителот ИНТЕГРА - Македонска конзервативна партија од Скопје, поднесена против Решение на Општинската изборна комисија Струга бр.11-281/2 од 13.09.2021 година, за поднесување на Листа на кандидати за членови на Советот на Општина Струга, СЕ ОДБИВА КАКО НЕОСНОВАНА.

Решението на Општинската изборна комисија Струга бр.11-281/2 од 13.09.2021 година, СЕ ПОТВРДУВА.

Донесената одлука во целост ќе биде објавена најдоцна наредниот ден од денот на објавување на ова соопштение, во модулот “Одлуки” на веб страната на судот.