С О О П Ш Т Е Н И Е

УПРАВНИОТ СУД во совет составен од судиите: м-р Тања Терзиева - претседател на советот, Исмета Амет и м-р Едита Насковска - членови на советот, со записничар  Биљана Димовска - помлад судски соработник, одлучувајќи по тужбата на тужителот Градоначалник на Општина Штип изјавена против Одлуката на Државна комисија за спречување на корупцијата број 12-2410/7 од 17.04.2019 година, за спречување на корупција и судир на интереси, на седницата на советот одржана на 23.04.2019 година, согласно член 74 од Изборниот законик а во врска со член 33 став 6  од Законот за спречување на корупција и судир на интереси, донесе пресуда Урп.бр.22/2019 со која тужбата на тужителот Градоначалник на Општина Штип против Одлуката на Државна комисија за спречување на корупцијата и судир на  интереси број 12-2410/7 од 17.04.2019 година, СЕ ОДБИВА КАКО НЕОСНОВАНА.

Донесената одлука во целост ќе биде објавена најдоцна наредниот ден од денот на објавување на ова соопштение, во модулот “Одлуки” на веб страната на судот.