СООПШТЕНИЕ ЗА ЈАВНОСТ
ActionsВести
- Почетна
- >
- Вести
СООПШТЕНИЕ ЗА ЈАВНОСТ
УПРАВНИОТ СУД во совет составен од судиите: Лидија Ивановска- претседател на советот, м-р Тања Терзиева и д-р Едита Насковска - членови на советот, со записничар Биљана Димовска - помлад судски соработник, решавајќи по тужбата на тужителот ВМРО-ДПМНЕ и Коалицијата „Обнова за Македонија“ преку овластен потписник Игор Јанушев од Велес, изјавена против одлуката на Државната комисија за спречување на корупција бр.12-2316/5 од 08.07.2020 година, на јавна усна расправа одржана на ден 11.07.2020 година, во присуство на овластени претставници на тужениот орган:Претседателот на Државната комисија за спречување на корупција Б. И. и Раководителот на Одделението за спречување на корупција И. П., а во отсуство на уредно поканет тужител, согласно член 40, 58, 59 и 63 од Законот за управните спорови и член 33 став 6 од Законот за спречување на корупцијата и судирот на интереси, ја донесе и јавно објави следната пресуда Урп.бр.30/2020 со која:
Тужбата на тужителот ВМРО-ДПМНЕ и Коалицијата „Обнова за Македонија“ изјавена против одлуката на Државната комисија за спречување на корупција бр.12-2316/5 од 08.07.2020 година, СЕ ОДБИВА КАКО НЕОСНОВАНА.
Донесената одлука во целост ќе биде објавена најдоцна наредниот ден од денот на објавување на ова соопштение, во модулот “Одлуки” на веб страната на судот.