СООПШТЕНИЕ

            Со особена тага Ви соопштуваме дека, по кратко боледување, нашата почитувана судија Димитрула Апостоловска, не напушти на ден 18.12.2022 година.

Судија Димитрула Апостоловска беше избрана за судија на Управниот суд во месец јули 2011 година и ја вршеше оваа функција се до нејзиното пензионирање во месец мај 2022 година. Во периодот од 2017 година до 2021 година, судијата Димитрула Апостоловска ја вршеше и функцијата Заменик Претседател на Управниот суд.

Димитрула Апостоловска, беше извонреден судија со истакнат човечки дигнитет и судиски интегритет, призната во судиската фела од нејзините колеги судии и соработници, како голем професионалец, која пленеше со својата енергичност и ведар дух.

Судијата Апостоловска има исклучителен придонес во етаблирањето и афирмирањето на Управниот суд во правосудниот систем на Република Северна Македонија.

Управниот суд изразува длабоко сочуство на фамилијата Апостоловски.