СООПШТЕНИЕ ЗА ЈАВНОСТА

Управниот суд ја известува јавноста дека на ден 27.10.2025 година вo 17,50 часот, судечкиот совет по предметот УРП.бр.96/25, оформен по тужба поднесена од Политичката партија СОЈУЗ НА РОМИТЕ ОД МАКЕДОНИЈА - локални избори 2025 година, застапувана од Габриел Бајрам-претседател на политичката партија и Сеад Исмаил-овластен подносител на листа на кандидати за градоначалник на општина Шуто Оризари и листа на кандидати за членови на општина Шуто Оризари, против Решение бр.11-3197/2 од 25.10.2025 година на Државната изборна комисија, ја донесе и јавно ја објави следнатa одлука:

Во име на граѓаните на Република Северна Македонија, Претседателот на советот по советувањето и гласањето јавно ја соопшти Одлуката по тужбата со следната изрека:

П Р Е С У Д А

            Тужбата на тужителот Политичка партија СОЈУЗ НА РОМИТЕ ОД МАКЕДОНИЈА претставувана преку Габриел Бајрам претседател на политичката партија и Сеад Исмаил овластен подносител на листа на кандидати за градоначалник на општина Шуто Оризари и листа на кандидати за членови на совет на општина Шуто Оризари против  решението на Државната изборна комисија на Република Северна Македонија број11-3197/2 од 25.10.2025 година, СЕ ОДБИВА КАКО НЕОСНОВАНА.

            Решението на Државната изборна комисија на Република Северна Македонија број11-3197/2 од 25.10.2025 година, СЕ ПОТВРДУВА.

Целосната одлука со образложение на истата ќе биде објавена на Судскиот портал, согласно рокот определен во Изборниот законик.

                                                                                                Претседател на Управен суд

                                                                                                          m-r Burim Sejdini