Во име на граѓаните на Република Северна Македонија, Претседателот на советот, по советувањето и гласањето, во присуство на полномошникот на тужителот, овластениот претставник на тужениот орган и овластениот претставник на заинтересираното лице, јавно ја соопшти Одлуката по тужбата со следната изрека:

П Р Е С У Д А

            Тужбата на тужителот Политичка партија ДВИЖЕЊЕ БЕСА Скопје, СЕ УВАЖУВА.

            Решението на Државната Изборна Комисија на Република Северна Македонија, УП1.бр.11-232 од 05.11.2021 година, СЕ ПРЕИНАЧУВА И СЕ ОДЛУЧУВА:

            Приговорот поднесен од Демократската унија за интеграција, преку овластениот претставник Фитим Лога од Струга, со број УП1 11-232 од 02.11.2021 година, за повреда на постапката за гласање, сумирање и утврдување на резултати за Избирачко место 2107 Општина Желино, СЕ ОДБИВА КАКО НЕОСНОВАН.

            Резултатите од гласањето по Листите на кандидат за избор на Градоначалник на Општина Желино, за Избирачко место 2107 на Локални избори 2021 година, СЕ ПОТВРДУВААТ.

      Одлуката, со образложени причини, ќе биде изготвена и доставена до странките во законски предвидениот рок, како и објавена на веб страната на судот.