Денес во просториите на Управен суд, претседателот на Управен суд Бурим Сејдини оствари протоколарна средба со вицепремиерот за борба против корупција Љупчо Николовски.

На средбата, претседателот на Управен суд, Бурим Сејдини го запозна вицепремиерот Љупчо Николовски со предизвиците на Управниот суд поврзани со просториите, финансиите и кадровските капацитети.

На средбата се разговараше и во делот за доставување на податоци, а посебно списи по предмети во текот на постапките, како и подобрување на соработката со органите и улогата на Владата во тој поглед.

Заедничка констатација е во најкусо време, да се реши прашањето на предавање во владение на доделениот објект на Управен суд.