Работна посета на Република Хрватска
ActionsВести
- Почетна
- >
- Вести
Работна посета на Република Хрватска
Делегација составена од судиите на Врховниот суд на Република Македонија, Николчо Николовски и Мирјана Радевска Стефкова, судиите Катерина Георгиевска од Апелациониот суд Скопје и Наке Георгиев, Претседател на Апелациониот суд Штип, остварија работна посета на Република Хрватска. Судиите имаа можност да присуствуваат на состанок помеѓу претседателите на граѓанските оддели на судовите со претставници на Врховниот суд на Република Хрватска и на тој начин одблиску да се запознаат со начинот на кој Врховниот суд на Република Хрватска соработува со пониските судови во изнаоѓање на решенија за спорните правни прашања кои неминовно се појавуваат во работата на судовите. Во рамки на посетата, судиите присуствуваа и на семинар од областа на граѓанското право, кој се одржа во Тухељске Топлице, на тема спорни прашања и актуелна судска практика.